سالم ابن بطوطة

دليل سفر تفاعلي بالعربي، مقسّم يوم بيوم: الأماكن، والمطاعم، والتنقّل، ومنطقة السكن المقترحة. تحط إيميلك وقت الطلب، ويوصلك رابط التحميل فورًا بعد الدفع. الملف بصيغة HTML، يفتح في متصفح الجوال أو الكمبيوتر، وتقدر تحفظه في جوالك وترجع له وقت ما تبي.

ما وصلك الرابط؟ شيّك على مجلد الرسائل غير المرغوبة (Spam). الملف ما فتح صح؟ افتحه من متصفح مثل Chrome أو Safari، مو من معاينة الواتساب أو تطبيق الملفات. وإذا ما ضبط معك، تواصل معنا عبر قنوات التواصل في المتجر ونساعدك.

كل باقة مصممة من الصفر لمستواها. الاقتصادية 5 أيام، للي يبي أهم ما في المدينة بأقل تكلفة: أغلب الأنشطة مجانية، وأكل محلي، ومواصلات عامة. الأساسية من 5 إلى 7 أيام، توازن بين الراحة والتجربة: معالم مدفوعة أكثر، وتجارب ما تلقاها في الاقتصادية. الفاخرة 10 أيام فأكثر، رحلة بدون تنازلات: تجارب مميزة، ومطاعم ومعالم تحتاج حجز مسبق، والأيام مقسّمة على مراحل. وفي كل الباقات: سكن في موقع مدروس، وخطة يوم بيوم، وزر الموقع لكل مكان. أما الباقات متعددة الوجهات فتتوفر بمستويين فقط: الأساسية والفاخرة.

الدليل للتخطيط الذاتي، وما نحجز عنك. بدل الأسعار نستخدم شارات: مجاني، و يتطلب تذكرة، و يحتاج حجز مسبق، ونحط لك روابط الحجز الرسمية وين ما توفّرت. الأسعار والمواعيد تتغير، فتأكد من المصادر الرسمية قبل سفرك.

الدليل منتج رقمي غير قابل للاسترجاع أو الاستبدال. التفاصيل في سياسة عدم الاسترجاع.

سالم تعب على كل دليل: لفّ المدن، ووثّق اللحظات بعدسته، ورتّب لك كل يوم بالتفصيل… وحطّه لك بسعر بسيط مقارنة باللي فيه. فلا تشاركه مع أحد؛ خلّ اللي يبيه يشتريه، وبكذا تكون ساعدت سالم يكمّل رحلاته. استخدام الدليل يخضع للشروط والأحكام.